ကန်စွန်းဥနဲ့ ကျန်းမာရေး

ကန်စွန်းဥကို သရေစာ အဖြစ်သာ စားကြတာများပြီး ကျန်းမာရေး အကျိုးတွေ မရှိဘူးလို့ ထင်ကြတာ များပါတယ်။ တကယ်တော့ အိုမင်းရင့်ရော်မှုကို ထိန်းပေးနိုင်တဲ့ အရာဟာ ကန်စွန်းဥပါပဲ။ ကန်စွန်းဥမှာ အရောင်တွေ ရှိပါတယ်။ ခရမ်းရောင်နဲ့ လိမ္မော်ရောင်ပါ။ သူ့အရောင်နဲ့သူဟာ ဆေးဖက်ဝင်လှပါတယ်။

ကန်စွန်းဥမှာ ရိုတင်းများ၊ အမျှင်ဓါတ်များ၊ သွေးကြောတွေကို ထောက်ပံ့ပေးတဲ့ ဘီတာကယ်ရိုတင်း၊ သွေးပေါင်ထိန်းပေးသော ပိုတက်ဆီယမ်၊ဓါတ်တိုးဆန့်ကျင်အာနိ သင်ရှိသော ဗိုက်တာမင်စီနှင့် ဗိုက်တာမင်အီးတို့ ပါဝင်သည်။ ခရမ်းရောင်ရှိသောကန်စွန်းဥ အသည်းကိုကောင်းမွန်စေပါတယ်။ သွေးလည်ပတ်မှုအတွက်နဲ့ ဆီးချိုအတွက်လည်း စားသုံးရန်သင့်တော်ပါတယ်။ Anthocyanin ပါတဲ့အတွက်ကြောင့် ဓာတ်တိုးခြင်းကို ထိန်းပေးပါတယ်။ သွေးတိုးခြင်းကို ထိန်းပေးတဲ့အတွက် သွေးတိုးသမားတွေလည်း စားသုံးသင့်ပါတယ်။

sweetpotato

လိမ္မော်ရောင်ကန်စွန်းဥ – Vitamin A,C,E ပါဝင်ပြီး၊ အမြင်အာရုံအတွက် အထောက် အကူပြုပါတယ်။ သွေးချိုကိုထိန်းပေးပြီး လိမ္မော်ရောင်ကန်စွန်းဥကို အစိမ်းစားရင်ပိုပြီး အာနိသင်ရှိကြောင်း သိရပါတယ်။ ကန်စွန်းဥကို ထမင်းအစားထိုးပြီး စားရင် ကိုယ်အလေး ချိန် ကျစေနိုင်ပြီး ဆီးကို ကောင်းစေပါတယ်။ ကန်းစွန်းဥကြောင့် သွေးတွင်း အချိုဓါတ်မြင့် တက်ခြင်း မရှိပေ။ ကန်စွန်းဥခပ်ကြီးကြီးတစ်လုံးတွင် (၁၁၇) ကယ်လိုရီသာပါသည်။

အရိုးအဆစ်များ၊ သွေးကြောများဝန်းကျင်မှာ ဒုက္ခပေးတဲ့ရောဂါကိုလည်း ကာကွယ်နိုင်တဲ့ ဂုဏ်သတ္တိရှိပါတယ်။ ကန်စွန်းဥကို ပူနွေးစဉ်စားသုံးသင့်တယ်။စားတဲ့အခါမှာလည်း ဆီနဲ့ တို့စားသင့်ပါတယ်။ကန်စွန်းဥမှာပါတဲ့ ဓါတ်တစ်ချို့ဟာ ဆီမှာ ပျော်လွယ်ပြီး အစာအိမ်က စုပ်ယူမှုအားကောင်းစေလို့ ဖြစ်ပါတယ်။

သတိပြုရမှာကတော့ ကန်စွန်းဥမှာ အမည်းစက်လေးတွေ ပွင့်နေရင် အညှောင့်ပေါက်နေ တာဖြစ်လို့ မစားသင့်တော့ပါဘူး။ အခန့်မသင့်ရင် အဆိပ်သင့်တတ်ပါတယ်။ ဒါ့အပြင် အစာအိမ် အချဉ်ပေါက်တတ်သူတွေလည်း ရှောင်ကြဉ်သင့်ပါတယ်။

Credit : reader digest